2014ko apirilaren 3an eta 4an, Sinnergiak Quebeceko Montrealgo Unibertsitateak (UQAM) antolatutako 4. Nazioarteko Sinposiumean parte hartu zuen; zehazki, CRISES zentroa izan zen antolatzailea (Gizarte Berrikuntzako Ikerketa Zentroa), eta izenburua zen “Gizarte eraldaketa gizarte berrikuntzaren bitartez”.
Sinposiuma eztabaida eta hausnarketarako gune bihurtu zen, eta gai nagusia gizarte berrikuntzaren azterketa eta fokua izan zen, kontuan hartuta hainbat eragilek ezarritako ekimenek gizartean aldaketa sortzen dutela eta gizartea birdefinitzen dutela, joera soziala erantsiz. Ekitaldiak pertsonen, erakundeen eta gizarte mugimenduen ekimenen ahalmena agerian jartzeko balio izan zuen.
400 pertsona inguruk parte hartu zuten sinposiumean, eta bertan izan zen baita ere Sinnergiak Social Innovation UPV/EHUko Javier Castro Spila, Ikerketa Arloko koordinatzailea, zeinak hitzaldi hau eman zuen: “Modes d’innovation sociale et gouvernance” (Gizarte Berrikuntzako erak eta Gobernantza), “Gouvernance, innovation organisationnelle et entrepreneuriat social” blokearen barruan (Gobernantza, erakundeen berrikuntza eta gizarte ekintzailetza).
Centre de Recherche sur les Innovations Sociales – CRISES
Centre de recherche sur les innovations sociales (CRISES) zentroa unibertsitate arteko erakunde bat da, diziplina askokoa, batez ere zazpi erakundetan afiliatutako hirurogei ikerlari inguru elkartzen dituena: Université du Québec à Montréal (UQAM), Université du Québec en Outaouais (UQO), Université du Québec à Rimouski (UQAR), Université Laval, Université Concordia, École des hautes études commerciales de Montréal (HEC Montréal) eta Institut national de la recherche scientifique Urbanisation, Culture et Société (INRS-U.C.S.).