Sinnergiak Social Innovation

GU

Sinnergiak Social Innovation: estrategia eta egitura

2012an sortua, SINNERGIAK Social Innovation Centre (UPV/EHU) ezagutzaren erakunde bat da, unibertsitateko ikertzaileek gidatutako diziplina anitzeko talde baten inguruan egituratzen da, eta bertako kide dira ere hezkuntzan eta esku-hartze eta transferentzia jardueretan espezializatutako beste profesional batzuk

GURE LANAREN ESANAHIA

Ezagutza eta berrikuntza gaitasunak sortzea

SINNERGIAKen jarduerak gaitasunen garapena bultzatzen du pertsonengan, eta berrikuntza gaitasuna, berriz, erakunde eta komunitateetan, oinarrizko baldintzak baitira gizartean ikusten diren eta baliagarriak izango diren emaitzak lortzeko.

Gure lana arlo hauetan kokatzen da: barne espezializazioa ezagutza sortzeko, teknika sozialen erabilera eta askotariko proiektuetara sarbidea kooperazio sistemen eta sareen bidez.

GURE JARDUERA EREMUAK

Lau jarduera eremu nagusi

Helburu zabal eta askotariko horiek betetzeko, SINNERGIAK gizarte berrikuntzaren gaineko diziplina askoko ikuspegi batean oinarritua dago, lau arlo nagusitan antolatuta: ikerketa, prestakuntza, ekintza eta esku-hartzea, ezagutzaren transferentzia.

IKERKETA

Proiektu berritzaileen garapenera bideratuta dago, eta bere emaitzarik ikusgarrienak dira: analisi ereduak, produktuak, adierazle sistemak, sareak, aliantza estrategikoak. Praktikan, eta Berrikuntza Sozialaren, Berrikuntza Publikoaren, Lan Testuinguruetako Berrikuntzaren eta Kultura eta Sormen Industrien eremuetako azterlanekin erlazionatuta.

EKINTZA ETA ESKU-HARTZEA

Ikaskuntza eta esperimentazio prozesuak sustatzeko sortu da, ahalmenak identifikatzeko, gaitasunak eskuratzeko, eta konponbideak sortu eta prototipoak egiteko, berrikuntza irekiaren ikuspuntutik betiere.

PRESTAKUNTZA

Irakaskuntza-ikaskuntzako edukiak eta testuinguruak sortzeko planifikatua. Arlo honen baitan, lehentasunezko jarduerak hauek dira:

- Ezagutzaren corpus bat eraikitzea gizarte berrikuntzaren inguruan.

- Gidak egitea.

- Masterrak.

- Ikastaroak.

- Mintegiak, Biltzarrak.

- Ikaskuntza eta praktika komunitateak.

- Udako eskolak.

EZAGUTZAREN TRANSFERENTZIA

Zabalkundera bideratuta: esperientziak (proiektuak, kasuak), txostenak eta agiriak (ebaluazioak, inpaktuak), argitalpen zientifikoak (liburuak, artikuluak) eta networkin (sareen eraikuntza).