Berrikuntza publikoa balio publikoaren eraketarekin erlazionatua dago, politika publikoen, zerbitzuen, azpiegituren, kudeaketa publikoaren eta abarren hainbat arlotan. (Moore, 1995: Torfing, 2016).

Bi alderdi bereizi behar dira: berrikuntza publikoa politikaren berrikuntza gisa eta berrikuntza publikoa herri administrazioen berrikuntza gisa. Lehenengoak ordezkaritza eta erabaki politikoak gauzatzeko prozesuekin eta moduekin izango luke zerikusia, eta bigarrenak, berriz, herri administrazioek eragile, baliabide ekonomiko, politiko eta sozialen hornitzaile eta politika publiko berrien diseinuaren arduradun gisa eskaintzen dituzten zerbitzuak kudeatzeko eta eskaintzeko moduekin.